Kwentong Kengkay

Ehehehe, oo sinilipan ko yung aming kasamang nag camping din. Yung kamag anak nung ayaw mag camping

Sinilip ko yung kanilang camping space na ang tawag dito e wohnmobil o bahay na gumagalaw Sinilipan ko sila kasi sigurado ko gusto ninyong silipan din sila. O de vah, para sa inyo e naging peeping kengkay ako.

At eto ang ebidensya ng aking pagiging peeping kengkay…. dyaraaannnn

Ayan ang front tent nya, na talaga naman pong gawa lang sa trapal pero kumpleto yan: merong oven na de gasul, may pridyider, may mga lamesa at silya na may kutson at mga aparador na puno ng porcelana at kutsara’t tinidor at baso as in may wine glasses, beer glasses, cheche bureche pa yan ha. At sempre, puno din ng inumin na kung ano ano at pagkain na kung ano ano pa. Dun sa pintong may kurtina, andun na yung wohnmobil mismo na kung saan andun yung tulugan, sala, palikuran, at toilet. Pero mamya na kung pechurss…
O ayan yung mismong kinatatayuan nung wohnmobil. Di ba sosyal, parang may sariling garden ka na pagkalaki laki talaga. As in may summer pavilion pa sila kamo sa labas.
Ayan, pasok ulit tayo. Hawiin ang kurtina at eto na ang unang tatambad sa inyo, edi ba may sala nga? Edi may telebisyon din, sempre pa, de cable po dito! Hindi ko alam kung may kapuso at kapamilya, hehe
Medyo papasok ka sa isang makipot na corridor at ayan na ang master’s bedroom ika nga. Waaa, wag na panisnin yung malaking bra na nakahambalos dyan, bagong gising kasi yung mga may ari nung ginambala ko sila e, baka may na istorbo ako— basta, hindi akin yan, pramis — hahahaha
Sa pagitan ng sala at ng master’s bedroom ay may maliit na pinto kung saan andun ang maliit na palikuran at toilet. As in, patagilid ka dapat gumalaw pero kapag kasing liit ko, pwede kang mag ballroom dancing
O ayan ang sala, di ba ang laki? Sempre pwedeng maging kama rin yan. At tingnan nyo naman ang aparador, totyal na totyal.
Ayan ang hitsura ng wohnmobil sa labas. Imagine na iiwan mo lahat ng gamit mo dyan tapos pagbalik mo e andun pa rin ang gamit mo? Magic di ba? Kasi dyan na talaga nakalagak yang bahay na gumagalaw na yan… as in most of the year. Minsan lang nila tigbakin kapag mag camping sila sa ibang lugar pero pagkatapos nun, ibabalik ulit nila dyan. Grabe ano?

Pero sa totoo lang, madali lang daw sya gawin. E sempre kasi naman tagal na nilang ginagawa nyan. Sabi ko nga kay kengkoy, pwede kayang sa sunod na mag camping kami e mag rent kami ng bahay na gumagalaw?

Oo daw pero naku, ang renta pala ng ganyan e parang isang hotel room na rin… so parang mas gusto kong mag hotel na lang kesa magsiksikan kami Ano sa tingin nyo?