ano be, meron din palang akyat bahay dito sa alemanya! lintek.
kahapon ng hapon. si kengkay at si bunsoy e mag-grocery. inabot ako ng ilang pawis minuto sa paglabas ng kotse sa garahe. kasi ba naman si kengkoy basta na lang hinambalang yung kotse, kainis.
tapos na stress pa ako kasi nakita ko ang isang grupo ng mga teen-agers na naglalaro ng football sa kalsada. gusto kong sabihin sa kanila na bilisan nila lakad at baka pati sila e mahagip ng kotse. aba ang ginawa ba naman e tumambay mismo sa harap ng garahe nung kapitbahay namin. at dun sa kalye mismo naglaro ng bola!
finally, nalabas ko rin ang kotse. nag grocery kami ni bunsoy. yung mga teen agers asa kalsada pa rin. makalipas ang tatlumpung minuto bumalik kami ni bunsoy. labas agad ang kengkoy, oo, asa bahay sya. mainit ulo at sabay sabing ‘naku, kaalis lang ng mga pulis.’
huh, sabi ko, baket! kasi daw habang asa loob sya ng bahay nung umalis kami e may narinig syang kumakaluskos sa bubungan namin, at sa may garahe. pagkita daw nya e mga teen agers sa bubungan ng bahay namin! tinawagan agad nya ang mga pulis. nung narinig nung mga teen agers na may tao sa bahay, nagtakbuhan! pero may nahuli si kengkoy na isa. alam nyo kung bakit nahuli? kasi andun sa bubungan at nagtatago! siguro nalamigan na. hindi na makatiis sa pagkakadapa nya sa bubong.
tapos nakita ni kengkoy na may mga mga dalawa pang tumalon sa mga gates ng kabilang bahay. ano ba naman yon. nung dumating ang mga pulis, wala na ang mga mokong. pati yung nahuli ni kengkoy e nakawala kasi nga nabulabog si kengkoy nung narinig nyang may mga naiwan pa. sabi ng mga pulis naglalaro lang daw yung mga yun. kasi yung bola e andun pa rin sa garahe namin.
pero sabi naman ni kengkoy e kunyari lang yon na may bola sila. hindi naman daw naka-akyat yung bola sa bubong namin e. dinala mismo yun at kunyari naglalaro sila. kasi nga alam nung mga mokong na umalis ako kasama si bunsoy. akala siguro nila e may mahihita sila dun habang wala kami. atsaka usually kapag may mga gustong kumuha ng bola sa hardin, nagdodoorbell at nagpapasintabi talaga e. pero sila, wiz…
alas tres ng hapon yon ha. maliwanag pa. pero sa totoo lang, walang ibang witness! ganyan ka tahimik dito sa baryo namin. kaya dito mas maraming nakawan kapag maliwanag kasi nga walang tao halos mga bahay, hay buhay! mabuti na lang nung araw na yon e sarado yung mga bintana sa bubong namin. e madalas kasi iniiwan naming bukas yon e.
hanggang kagabi e nag aabang si kengkoy ng kaluskos. kasi yung bola e andito pa rin sa hardin namin, gusto nyang mahuli ang mga mokong. medyo ingat din ako kasi baka may gawing malaswa ang mga lintek in revenge. hay buhay nga naman oo!
