medyo OA pero totoo sya ha. kapag umalis ka ng Pinas, ang unang mamimiss mo talaga e ang pagkain. pramis!
nung asa thailand ako, medyo hindi ko sya na miss dahil ang sarap ng thai food. pero paminsan minsan, lalo na kapag may naamoy akong nagluluto ng corned beef, hay, super miss ko ang pinoy food. pero dahil may pinoy resto naman sa thailand, okay lang din. hindi nakakaiyak 
pero nung andito na ako sa alemanya? yun ang medyo nakakalupasay na, kasi kahit na yung mga thai restaurants dito e hindi lasang thai. kasi ang may ari e kundi vietnamese e chinese. pero sempre, may mga asia shops naman dito na pwedeng bilhan ng mga pang sahog.
ang hindi ko lang matake, wala silang deri krim! waaa. super miss ko na ang deri krim. may mga butter naman sila dito pero walang lasa. ang deri krim kasi may konting asim na nakakamiss. pero alam ninyo? nung nagpunta kami sa pransya para magbakasyon? aba, dun ako nakakita ng tunay na lasa ng deri krim! kaya naman nagbitbit ako ng mga ilang piraso nung papauwi na kami ng alemanya.
sempre ilang oras ang biyahe, hindi ba kanyo natunaw? sempre hindi. kasi may dala kaming parating cool box na naka saksak ang baterya sa kotse. o de bah, girl scout yata ako. basta sa pagkain, hehehe
at kapag may magbiyahe papalapit sa border ng pransya e nagpapabili talaga ako ng deri krim ng pransya. pero ngayong winter sempre sino ba naman magtiyagang magbiyahe? mabuti na lang may na discover akong mala deri krim din dito sa alemanya. eto ang kanyang pektur:
ang kyut di ba? nabasa ko lang na gesalzen (may asin) kaya sabi ko, aba, deri krim ala alemanya na ito sigurado. ayan na nga. natupad ang aking pangarap.
nagkaron na rin ng deri krim dito sa alemanya. pwede na ulit akong magpalit ng bagong pangarap, hehehe
kaya ngayon ang baon ng mga little kengkays? tinapay na may palamang deri krim. yun lang. simple lang naman gusto namin e,
kayong mga asa abroad, anong pagkain ang miss ninyo sa pinas?
