happy independence day, mahal kong pinas!
ngayon ang tanong ko, anong mga bagay bagay sa tingin ninyo ang pwede nating maitulong para sa pagsulong ng ating bansa? mga maliliit na bagay na malaki ang pakinabang ng bansa? hindi mahirap kundi madali. pero sempre, kayo ang dapat magdesisyon, at si kengkay ganito ang nakita at ginagawa:
- bumili ng mga gamit na gawang pinas. alam ninyo naman kung saan pwedeng makakita ng mura pero de kalidad. divisoria, baclaran, taytay rizal o kahit saang palengke. sempre meron din naman sa SM o sa Levis, di ba?
- bisitahin ang pinas. kung kayo ay asa abroad, balikan ang pinas. madaming sulok sa ating bansa na magandang bisitahin. sa totoo lang, mas maganda pa rin ang beaches ng boracay at bohol kesa sa mga napuntahan ko na sa espanya, sa italya o sa pransya.
- bayong ang gamit ko kapag namimili ako dito sa alemanya. maraming pwedeng ilagay, matibay pa.
- ipagmalaki ang pinas. kapag may nagtatanong sa inyong mga dayuhan ng tungkol sa pinas, aminin na may mga bagay na hindi maganda sa bayan pero mas maraming maganda sa ating bansa. totoo namang mas maraming ipagmamalaki sa pinas, di ba?
- bumili ng pasalubong na galing pinas. kakaiba daw ang mga native products natin, at walang kaparis kaya naman gustong gusto nilang makatanggap nito. pero ang paborito kong pasalubong e yung mga t-shirts na may mga litrato ng mga lugar sa pinas, kasi magiging walking advertisement yung may suot.
- huwag kalimutan ang ating kultura, ang ating tradisyon, ang ating salita at kung sino talaga tayo. sa aking mga anak at pati na kay kengkoy, kinukwento ko ang pinas. natikman na nila ang halos lahat ng pagkaing pinoy, paborito nila ang pandesal at si jollibee. marami silang alam na tagalog na salita sa umaga pa lang e nagaalis na sila ng ‘muta’. marunong silang gumalang– ang tawag ni bunso sa kanyang nakatatandang kapatid ay ‘ate’, marunong silang gumamit ng tabo, marunong silang mag sungka at magjackstone at kung ano ano pa.
- huwag mawalan ng pag-asa. basta’t may buhay, may pag-asa 
- ipagdasal natin ang ating bansa. naniniwala ako sa tulong ng Maykapal ay magiging matino rin ang takbo sa ating gobyerno.
- at oo, kung may pagkakataon na may boses ka para ayusin ang gusot sa ating bansa, magsalita. at kung may blog, isulat.
- nga pala, yung mga taga alemanya, bisitahin ang rizal park sa wilhemshaven.
kayo may maidadagdag ba sa aking listahan?
nga pala, berdey din ni kengkoy ngayon
