ayos, kutohan time na naman. nangangati ako habang ginagawa itong post, sa totoo lang!
may lumilipana na namang dilaw na papeles na ang ibig sabihin ay mayron na namang nagsabog ng kuto sa kindergarten. sempre bawal sabihin kung sino ang nagkalat ng kuto. pero lahat ng bata e dapat siyasatin kung may kuto.
kung wala, pirmahan ang papeles na walang kuto at ibalik sa kindergarten. kapag merong kuto e dalhin muna sa doktor para mabigyan ng tips kung papano magkutohan. at kapag nawala na ang kuto e atsaka pirmahan ang papeles at dapat may pirma din ng doktor. at sempre, bawal pumasok sa kindergarten! aba e sino naman kayang nanay ang itatago ang anak nya kapag may kuto ito? sempre pasok pa rin kahit na sabay kamot pero bawal dapat yun.
o nung nalaman kong may kuto sa kindergarten, nagkutuhan kaming magiina. si bunsoy ko alam na nya ang drill — walang suotan muna ng costume sa kindergarten, walang laro laro ng beauty shop, walang suklayan at dapat parating naka tali ang buhok nya. ayaw nyang magkakuto kasi ang hirap nyang kutuhan!
so kapag may kuto na ang kindidergarten, asahan na natin susunod na ang eskwelahan. kasi may mga kapatid sempre yung mga asa kindergarten di ba? hawa hawaan. so pagkatapos ng isang linggo, may dumating rin na dilaw na papel sa bahay. kutuhan time na naman. si panganay ko takot yan sa kuto kasi sabi ko kapag hindi talaga maalis yung kuto e putol ang buhok nila. e ayaw nya yon so pagkauwi pa lang nya sa bahay e sigaw agad sya ‘ mama, du muss nach kuto schauen’ (kutuhan mo ako) oo – kuto talaga ang tawag nila sa kuto, e pinay ang mga little kengkays ko ano, hehehe
ang mga ibang nanay, asar na asar talaga. galit na galit. dapat daw ayusin ng gobyerno ang mga patakaran sa kuto. ano gagawin nila, palinyahin at pagbabarilin ang mga kuto, hahaha.
yung iba nagpapanik. sempre labhan daw yung mga gamit para mamatay yung lisa, mag spray ng kung ano ano. mag shampoo ng kung ano ano. tinapon yung mga suklay o kaya naman nilubog sa mainit na tubig. pati yung mga stuff toys, dapat daw labhan.
yung iba naman ayun, ayaw na papasukin mga anak nila. OA masyado ano? kung alam lang nila na si kengkay e may kuto din dati, am sure wala ng lalapit sa akin :)
kung alam lang nila na ang laban lang sa kuto at lisa ay… dyaraaannn — tirisin!
naalala ko lang.. nung umuwi kami sa pinas, sempre nahawaan din ng kuto ang mga little kengkays. sa dami ba naman ng kalaro nila at dahil andaming natutuwa sa mga mahahaba nilang buhok na bawat bisita kahit saang bahay e sinusuklayan sila — nagkamot ang panganay ko. sabi ko bakit ka kamot ng kamot? nung binuksan ko yung buhok nya? ahahaay, ang daming kuto.
natatawa ako kasi asa swimming pool area kami ng astoria plaza at dun ko sya mismo kinutuhan, ahahaha — shock na shock si kengkoy. pinagtabuyan ba naman kami, ehehe! actually tama naman sya — kaya lang medyo na excite ako kasi ang tagal ko ng hindi ginagawa yon e, ang magkutuhan. kung dito ko gawin sa alemanya yan, am sure asa bilibid na kami magkukutuhan ng mga little kengkays.
Eto pang kwentong kutohan at eto pang ibang mas matrabahong kutuhan tips .
