Dami nga nagtatanong sa kin kung bibili daw ako ng havaianas, sabi ko ano yan? Parang flavor ng pizza (hawaian baga)? O uri ng gulay (halamanan)? Ah basta hindi ko na gets yung nagtanong sa akin. Eh hindi ko nga masabi kung ano yan ano. Wellllll… alam nyo kung pano ko nalaman na tsinelas lang pala yan? Nung umuwi ako ng Pinas! E kasi dito sa Alemanya flip flops yan ano, hahaha.
Anak ng putakte, takang taka ako kung bakit sikat na sikat yan e tsinelas ng pala. Hindi ko sya type kasi ang mahal nya tsinelas pa rin sya kahit ano pang che-che bureche nya. Napapatid pa rin yan kapag may tumapak sa likuran mo. At umiitim din ang talampakan nyan kahit na super mahal pa sya. At lalo pa, labas na labas ang mga patay na kuko at kung hindi ka naka pedicure, wiz din. At ang hindi ko maatim, super dooper mahal nya ha. Sayang yung pera kupit ko.
Pwede ba, kung sa tsinelas lang — sa ispartan pa rin ako kasi chipipay si kengkay e dahil ako kaya pambato sa baryo namin ng tumbang preso, yuhoo. Sige, paki basa na itong forwarded email na ito.
Pangalan: Havaianas
Lugar na pinanggalingan: São Paulo, Brazil
Pagbigkas: ah-vai-YAH-nas (Brazilian Portuguese), hah-vee-ah-naz
(American English), OMG!-hAH-va- yaH-naZz! ! 
(Filipino).
Materyal na ginamit: Malupit na goma (High-quality rubber).
Presyo: Hindi ko alam. Ganito na lang, 1 pares ng Havaianas = 100 pares ng Spartan.
Mga nagsusuot: Mga konyotik at mga mayaman.
Malulupit na katangian at kakayahan:
Masarap isuot.
“Shock-absorbent. ” Malambot ngunit matibay.
Makukuha sa sandamakmak na kulay, disenyo at burloloy.
Maaaring isuot sa loob ng Starbucks.
Mainam na pang-japorms.
Mainam i-terno sa I-Pod at Caramel Macchiato.
Mapipilitan kang maglinis ng mga kuko mo sa paa.
Maaari ka nang mag-dikwatro sa loob ng mga pampublikong lugar at sasakyan.
Magiging “fashionable” ka kapag ikaw ay nagkukuyakoy.
Olats na mga katangian:
Mahal
Mahal
Mahal
Nakakasira raw ng pedicure–sabi ni Malu Fernandez.
Pangalan: Spartan
Lugar na Pinanggalingan: Metro Manila, Philippines.
Pagbigkas: spar-tan (American English), is-par-tan (Filipino).
Materyal na ginamit: Pipitsuging goma (Low-quality rubber).
Presyo: Wala pang 50 pesos. Isang pares ng Spartan = 20 piraso ng pan de coco.
Mga nagsusuot: Ako at ang masa! Nyahaha!
Malulupit na katangian at kakayahan:
* Maaring ipampatay sa ipis.
* Maaring ipampalo sa mga batang suwail at damuho.
* Pwedeng ipanglusong sa baha at putikan.
* Pwedeng ipamalengke.
* Mainam gamitin sa tumbang-preso.
* Mainam gawing “shield” kapag naglalaro ng espa-espadahan.
* Mainam isuot sa siko bilang proteksyon habang naglalaro ng picha.
* Mainam na pambato sa picha o shuttlecock na sumampid sa puno.
* Mainam na pangkulob sa pumuputok na watusi.
* Kapag ginupit-gupit nang pahugis “cube,” e maaari mo nang gawingpamato sa larong Bingo (kadalasang makikita sa mga lamay ng patay).
Olats na mga katangian:
* Madaling magkawalaan kapag hinubad dahil halos pare-pareho lang ang hisura.
* Masakit isuot kapag may mga balahibo ang mga daliri mo sa paa.
* Minsan kapag ipinambato mo ito sa picha o shuttlecock na nakasampid sa puno, e nadadamay pati yung tsinelas.
—– PSSSTTTT
Guest ulit ako sa Usapang Pinoy, ang pinakasikat na radio-magazine sa buong UK na pinangungunahan ni Dr. Joy. Join us on May 24, 2008 at Future Radio UK, 96.5 FM. Pero mas okay kung punta kayo sa pamamagitan ng pag-click dito: Future Radio UK . Pwedeng makinig lang kayo, pero mas masarap kung maki-chika tayong lahat sa pamamagitan ng pag-click ng Studio Messenger na matatagpuan sa may bandang itaas ng website, at pwedeng mag phone in question din.
Basta ha, kita kits tayo sa Sabado, ika-24 ng Mayo at 3 pm UK time, 4 pm Alemanya time, 10 pm Pinas time sa Future Radio UK . Sige na, makinig na kayo. Pramis, kakaway-kawayan ko kayo habang nasa ere na ako, tulad ng dati ba. Eto pala ung unang interview ko, sa mga gustong makinig 
